قصة بنت الخادمة جميع الأحزاء

قصة بنت الخادمة كاملة

بنت-الخادمة

جزء الاول بنت الخادمة

صبايا حاب احكيلكم قصتي انا رجاء اتربيت بدار الايتام لانو اني ماتت لما ولدتني وابوي لحقها بعد سنة وابوي وكل اهلو بفلسطين ما الو حد هون المهم لما صرت 20سنة اتجوزت واحد من دار الايتام مثلي يعني وعشنا انا وياه ع الحلوة والمرة وطبعا الحياة صعبة واحنا مافي حد يساعدنا لا اهل ولا قرايب ولا حد بس اكيد ربنا احسن من كل الناس جوزي كان يمسح السيارات ويشطف الدرج للعمارة وانا كنت احفر كوسا دوالي محشي فطاير كل شي الله اطعمنا بنتين زي القمر والحمد لله وكلشي كان تمام يعني مستورة وكان جوزي دايما يحكيلي سامحيني رجاء ياريت في اعيش بقصر بس هاي مقدورتي والله انك بنت حلال والله راضي علي فيكي حكتلو يازلمة انتى عارف بنسبة الي المصاري وسخ الدنيا المهم راحت البال كان صاحب العمارة معطينا غرفة ومنافعها مقابل انو جوزي يخدم اهل العمارة بواب يعني كان جنبنا ساكن زلمة الله معطي من وسع ومحترم دين خلوق عندو فيلا ضخمة اكثير اسمو ابو قصي وكان زلمة خير ع طالع يناول جوزي وعالنازل يناولو والله ربينا البنات من فضل الله وفضل وكان ام سمير جارتنا راح اتموت غيظ ليش بعطيكم يعني ياريت يعطينا احنا صح عنا شقة بس الشغل واقف ومن هالحكي كل يوم اتسمعني حكي وانا بيني وبين نفسي ياربي حسديني ع اللقمة الي بنشحدها من ايدين الناس حتى ع هاي بحسدو الناس

وفي يوم من ايام عمري الي هو اسوء يون مر بحياتي كان جوزي بزبط بلمصعد ويوقع ويموت اخ اخ اخ علي جرالي والي صارلي بناتي رنيم وياسمين بسألوني ليش يما ليش يعني احنا لا اهل ولا اخ ولا اب شو راح يصير فيناوفعلا ادمرا نفسيا وقعدت اربع شهور العدة وانا بحال نزاع اتمني الموت فيهم الف مرة والشاطرة الي بلعمارة بدها تكب طبيخها او اكلها تبعتلي اياه كانو مكتوب ع الباب مكب لاكل المحروق والمحمض والمش عاجبكم قال يعني حناين ومرة بنص الليل كان الي يومين طالعة من عدتي صارت بنتي رنيم تصرخ بطني يما بطني الحقيني يما راح اموت وين اروح ياربي وين انا ماالي غيرك والبست جلبابي واطلعت ارمح وياسمين معي ساندة اختها وبتعيط وانا اركض في الشارع ااشر لسيارات ماحد راضي يوقفلي ولكم وين النخوة وين الشرف ولكم ماضل عندكم ضمير ماتت الانسانية البنت غيب وانا قعدت ع الرصيف وصرت الطم لحد ما نزل ابو قصي من سيارتو وبكل ذوق اتفضلي يا خيتي وحمل البنت وع اقرب مستشفى انا لما شفتو وقف عند مستشفى خاص صرت بين نارين بنتي الي ابصر القي فيها نفس ولا من وين اجيب للمستشفى الخاص سكتت المهم بنتي المهم اسعفوها وطلع عندها حالة تسمم شديد واصلة الدم وبسبو صارعندها تعطل بلكلية اليمين ويكفيكم شر احنا فلسطنية يعني لا اعفاء ولا تامين والعلاج الضعف طبعا غير المرمطة غير هاي البنت الي عمرها15 بدها اضل بكلية وحدة سكرت بوجهي المهم ابو قصي دفع تكاليف المستشفى كاملة طلع حوالي 2000دينار بنسبة الي لو اضل اشتغل عشر سنين مش راح اقدر اسدو شو اعمل ياربي شو اعمل الزلمة روحنا ع الدار وقال الحمد ع سلامتها الوردة وحط ع التلفزيون 100دينار وطلع طبعا انا هون ضعت شو اعمل ؟؟؟؟؟جارتي ام سليم بلشت اتسمع كلام وترمي حكي طيب انا يعني ما طلبت منو اشي الله بعتلي اياه وصار كل اسبوع يجي يحط الي في النصيب ويطلع عن الباب من دون اي تعليق سوى كلمة كيف الحال يختي ويروح وفي يوم ما القيت الا ام قصي بدق الباب علي كانت اول مرة اشوفها فيها طبعا هي اكبر مني عمرا بس بسم الله ما شاء الله احكيكم اتقولوا بنت 14 حلوة مثل القمر ناعمة حكتلي تسمحيلي افوت طبعا الي اكثر من ربع ساعة لطعاها ع الباب صافنة بجمالها حكتلها طبعا اتفضلي فاتت وسالت ع رنيم بنتي وحكتلي يا خيتي ام قصي ديري بالك عليها وامانة شو ما احتجت لا تستحي مني امانة انا اختك بعهد الله هدول الاواعي انا شريتهم بنفسي لرنيم وياسمين استحليتهم الهم وطبعا حطت مصاري وطلعت وقعدت احلف الها اني مش ناقص علي اشي وانو معي بس ما رضيت الا اتحطهم معقول يا عالم في هيك ناس بهيك وقت والله ربنا كريم فش اكرم منو حد صح ابتلاني بس اكرمني ما احنك يارب قمت صليت ركعتين شكر وحمدت ربي انو سترها علي وهيك ضلت اتروح وتيجي علي ام قصي وما نقصت علي اشي لحد ما اتطاوشت مع ام سمير لانها مرة ما بتخاف الله مريضة نفسيا يعني لازم يكون بيني وبين ابو قصي اشي يعني اذا خليت بليت وقررت اترك العمارة انا عندي بنات والناس الها الظاهر القيت بيت بعمارة تانية ولملمت عفشاتي ولسى البكب بد تمشي الا ام قصي باعتة ابنا قصي بسم الله ما شاء الله شو احكيلكم شب ولا كل الشباب احلى من امو حتى وقف البكب وحكى مع السايق انو يفوت جوى فيلتهم انا راكبة ورى مع العفشات والبنات فتح قصي الصندوق وقلي لو سمحتي خالتي انزلي انا مستغربة ليش شوفي اجت امو وابو

ام قصي:انا زعلانة منك يا ام رنيم هيك يهون عليكي اتسيبيني وتروحي والله اني زعلانة منك اكتتتير

ابو قصي:ليش يا خيتي هيك ليش ع الاقل خبري اخوكي ولا ما بتعتبريني اخ #يتبع تتمت الجزء الاول#بنت الخادمة

رجاء: لا والله اخ ونعم الاخ بس والله انا وسرت اتئتئ

ابو قصي :خلص يختي هي عندي ملحق راح تسكني في وغير هيك بزعل منك والله

رجاء :لا لا ابدا يخوي مهو بس

ام قصي: يا خيتي ليش والله انا بتشرف فيكي واصلا انا بدي حد يساعدني بلبيت انتي شايفة بيتي اكبير والشباب جنوني والبنات لسى اصغار اذا ما عندك مانع طبعا

رجاء : ولو من عيوني والله لاخليلك اياه فلة الي بدك اياه يعني اهون بالله اشتغل عندهم مقابل سكنتي واكلي وشربي هيك ما حد الو عندي وفعلا عشت عندهم 7سنين ما شفت منهم زلة حتى خواتو لابو قصي وامو وابو كانو يحبوني وزي ما يجيبو لبناته يجيبو لبناتي الله يسترها عليهم زي ما ستروها علي اولاد ابو قصي وبناتو كانو ينادولي خالتي ويحترموني وعمري ما حسيت اني خدامة عندهم طبعا لما كنت اغيب مع بنتي رنيم بلمستشفى كانت بنتي ياسمين تحل محلي وتشتغل وكانت عاقلة ومتزنة

ياسمين : خالتو ام قصي ضل بدك اشي بدي اروح ادرس

ام قصي: يسلمو حبيبتي خلص روحي

ياسمين :طيب معلش احكي مع امي اطمن عليها

ام قصي:والله بزعل منك ما تستاذني هي تلفوني فوق بغرفتي روحي جيبي ورني

ياسمين :انا صح كنت صغيرة بس بحكم الظروف صرت ادقق ع كلشي وما يعجبني اشي وامي كانت امفهماني انو راس مال البنت شرفها رغم انو دار ابو قصي محترمين وما حد بعمل الي عملو معنا وكفو عنا اذى الناس ولساناتهم بس كنت لما اشوف ابنهم قصي يركبني ستين عفريت مش عارف ليش ما عمرو قرب علي بس احساس بلخوف من نظراتو والله ياعالم في اشي مش مزبوط لما كنت رايحة اجيب التلفون كان قاعد بلغرفة مع ابو اول ما شفتو ركبني الجني

ابو قصي :فوتي يابنت مالك فتت وهو ما شال عينو عني والله والله انا متاكدة اخدت التلفون ونزلت حكيت مع امي وقالت هيها جاي صرت كل مرة اشوفو فيها احس بنظراتو الغريبة في اشي غلط وقررت احكي لامي

ياسمين :يما ي احكيلك شغلة

رجاء :شو في يما بدك اشي

ياسمين:لاء يما بس انا حاسس انو قصي بطلع علي نظرات مش مزبوطة

رجاء :فقعت من الضحك قال يعني البنت كبرت وصارت تعرف مزبوطة ومش مزبوطة حكيت البنت بسن مراهقة يجوز بتهيئ الها بعدين احنا وييييين وقصي وين قصي الي بنات عمامو وخوالو غير الي بشركات ابو بتمنو الرضا منو ومرة ام قصي حكتلي اتصوري في بنت عنا بشركة بتحكي لقصي انا ما بهمني الحلال بس بدي اياك قصي كان جد شب محترم وملتزم وايدو ع ايد ابو بشغل ولما كبر ابو قصي صار هو الكل بلكل وانا عمري ما شفت منو اشي لما ياسمين صارت تحكيلي هيك قلت بضل بنت وعلمكم احلام اليقظة للبنات امسكتها وحكتلها قصي مش من عجينتنا انتي يما بتهيألك سيبك من هاي الامور وانتبهي ع دراستك

ياسمين:بعرف انو امي بتفكرني كذابة بس والله هو مش مزبوط كان يغتنم اي فرصة اكون لحالي عشان يق ب علي ويلمس شعري او خصري وكنت كل مرة اصدو وقدام اهلو الحمل الوديع اكرهتو وصرت كل يوم اتخانق مع امي واطلب منها نرحل من عندهم وهي اتبهدلني وتحكيلي بدك انعض ع الايد الي انمدت النا وفي يوم كنت انظف بغرفة اضيوف تحت اجى وسكر الباب انا انجنيت صرت ادور ع اي مخرج لحد ما حصرني في زاوية وقرب علي وصار يطلع في وحكالي ليش خايفة حكتلو انا مش خايفة ابعد عني وبس والله بقتلك قلي انتي قتلتيتي زماااااان اسمعي انا بحبك وانا مستعد اخليكي ملكة هاد البيت الي بدك اياه اشري عليه يحضر

ماااااابدي منك اشي ابعد عني دعيتو وهربت منو ورحت ارمح لامي وحكتلها الي صار ضربتني كف وحكتلي بطلي كذب

والله يما والله يعني شو اعمل عشان اتسدقي

اخرسي ولك اخرسي بدك اتموتيني انتي فوتي انخمدي احسنلك قصي الي كل البنات قاتلات حالهم عليه بدو يطلع عليكي ع شو ع جمالك ليكون ولا ع مصرياتك ولا ع نسبك ولك خلص اخرسي

جرحتني امي اكتير يومها وتكررت عمايل قصي معي ومحولات وصاريجيبلي هدايا غالية وذهب بس شو بدك احكي حكتلو انا ما بغضب ربي عشان مصاري سمعتو حكي يهز بدنو

نط ليش مين حكى اني بدي تغضبي ربك انا طالبك بلحلال ع سنة الله ورسوله

بالله جد

اه جد ليش مستفربة يعني

عشان اثبت لامي حكتلو طيب احكي لامي بلاول حكالي طيب ماشي وعدني ع8 راح يجي ويحي لامي انا ع احر من الجمر عشان امي الي بتفكرني كذابة تعرف اني بحكي الصح وفعلا 8الاربع كان عالباب

رجاء :قصي اتفضل خالتي بدك اشي

قصي :لا بس حبب احكي معك

رجاء:احكي شو في

قصي:انا طالب بنتك ياسمين ع سنة الله ورسوله

ياسمين :طبعا امي انصعقت وحكتلو شو بتحكي يابني انتو من طينة واحنا من طينة الله يسعد هاد الموضع ما بدي تفتحو ابدا

ليش ياخالتي الله يسامحك انا شوبدك.جاهز ما بدي رجاء: اتمنيت لو الارض تنشق وتبلعني يالله شو هاالمصيبة 

ياسمين :شفتي يما اني مش كذابة حكتلك ماصدقتيتي 

رجاء :قومي ضبضبي هالغراض احنا ما النا عيشة هون بعد اليوم ورحت الام قصي وحكتلها انجنت وقالتلي اصلا قصي بدي اخطبلو بنت خالتو بنت السفير واول مرة احس انها بتعايريني #يتبع

 

الجزء الثاني #بنت الخادمة 

رجاء:ام قصي ان شاء بنت وزير تخطيبيلي ليش يا خيتي بتحكي معي هيك 

ام قصي:اسألي بنتك الخبيثة من تحت لتحت اتمسكنت لما اتمكنت ولا تلاقيها عاملة لابني سحر ياما خواتي قلولي هاي الاشكال ما بيجي من وراها الا وجع الراس بس انا كل مرة بحكي لاء يابنت ما تردي

رجاء:انصدمت وصار قلبي يغلي غلي ومسكت ادموعي بلعافية وحكتلها ليش ياخيتي بنتي شو ذنبها 

ام قصي:بنتك بنتك هاي حية نفسي افهم شو عملت لابني والله لو انها حلوة لاحكي اغرتو بجمالها نفسي افهم شة السبب شو عملت لتخلي ابني يحكيلي بس هي واذا مش هي ما راح اتجوز ابدا

رجاء:اعرفت ساعتها انو حكيلهم بدو ياسمين وما راح يتجوز غيرها ابدا وبلشت ام قصي حكي طالع نازل سحر وعمل وكلام بسم البدن لملمت حالي وروحت ع بيتي لقيت رنيم نايمة وياسمين بتستنى في اول ما شفتها لطشتها كف باقوى ما عندي بحتني بعينها الي بتسال ليش يما ليش انا شو اعملت انا يما اصلا حكتلك والله حكتلك وما صدقتيني وصارت الدمع ع الساكت حرقت قلبي حرق هجمت علي وارتمت بحضني وصارت اتعيط وتحكيلي يما ماالي ذنب والله ماالي ذنب تاني يوم قعدت معها وقلتلها يما احنا لازم انشوف النا شغلة اختك هاي بدها ادوية وعلاجات وحالاتها لأسوء لازم نستر حالنا وما نعتاز حد وانا يما جار علي الزمن الرمتزم دبحني بكفي 20سنة وانا ارمح و20سنة بدار الايتام ما ضل في حيل يما حكتلي ولا يهمك يما اصلا انا شفت شغل بمصنع شيبس راح اشتغل والي بطلعلي بنحكم اختي ونسد التجار وربك ما بنسى حد وفعلا مر شهر واحنا ع الحال لحد ما يوم اجى قصي ودق الباب انصدمت وكانت ياسمين بشغلها

قصي معلش افوت يا خالتي 

رجاء:لاء احنا مش قد المقام وما في ببيتي وسع اه كنت بدي اصدو 

قصي: بس خالتي انا بدي اياكي بموضوع مهم 

رجاء:احكي هون (طبعا كان جايب معها السوق اكل شرب اواعي اشكال الوان) 

قصي :خالتي انا بدي بنتك وانا مستعد بلي بدك اياه وهي شبكتها 

رجاء:فتح علبة ذهب ما عمري ما شفت قدو الا بلمسلسلات حكتلو انا ما عندي بنات للجيزة واحنا ناس ما بنبيع حالنا بذهب ولا بغيرو لا انت من ثوبنا ولا احنا من ثوبك

قصي:كلنا ولاد ادم وحوى يا خالتي وانا طالبها ع سنة الله ورسولوه وانا ميتعد انفذ الشروط الي بدك اياه 

رجاء:صفنت وصارت احكي بعقلي ليكون جد بنتي عاملالو سحر ليش بنتي والله بنات عمامو وخوالو بحلو عن حبل المشنقة ولا هاي بنت خالتو بنت السفير كاملة مكملة الكمال لله جمال نسب حسب وبنتي اقل من عادية سمرا شعراتها منكوشين والله امو معها حق لو ابني ويو ما برضى فيها قصي يا خالتي الله يبعتلك بنت حلال اتسر قلبم وخاطرك هاي ياسمين مش للجيزة والله يرضى عنك كف بلاك عني وباب بيتي ما دقو مرة تانية وسكرت الباب بوجهو والف سؤال بدور براسي

المهم مرت الايام وتعبت بنتي رنين اكثير وساءت حالتها اكثير وصارت تغسل كلى يعني من يوم ما اطلعت من دار ابو قصي ما شفت الخير وكنت احس انو ياسمين مش طبعية في اشي خايفة منو بس كلامها كان قليل ياويلي عليها شغلها متعب خاصة انا تشتغل شفتين

ياسمين:هيك امي كان مفكرة اني تعبانة من الشغل بس ياؤيت كلشي زي الشغل الي تاعبني اكبر من هيك المسؤول بشغل كان زلمة وسخ وبما ان كلنا بنات كان يتحرش فينا صرت حيرانة اترك شغلي طب اختي من وين اجبلها علاج وغسيل الكلى الي بدو كوم واجار الدار وامي الي ماضل فيها حيل الى المسؤول بنادي علي في ناس بدهم اياكي اطلعت اشوف مين معقول هاي سديل بنت خالة قصي طبعا كل المصنع صافنين فيها اولهم مسؤول الشغل من كثر جمالها واناقتها الوحدة بتحس حالها جنبها مش بنت حكتلي بنبرة متعجرفة بدي احكي معك الحقيني ع السيارة وما استنت امشي معها او جنبها رحت اشوف شو بدها فتحلي السواق الباب حكتلو لا عمو انا بفتحو شكرا نطت سديل انتى هاي خدامة زيك زيها بس اسيادك بنفتحلهم الباب سامع وكانها ضربتني بالف سكين هانتني وهانت الزلمة لكبير ارجعت ع الرصيف وحكتلها نعم قالت قربي حكتلها اسفة هاي السيارة مش النا هاي لاشكالكم احنا مكانا الرصيف الي واقفة عليه

سديل:طيب بلا حكي زايد وطلعت حزمت مصاؤي من شنتتها ورمتهم علي وقالتلي كم بدك كمان وحلي عن قصي قصي الي مش لاشكالك روحي فكي السخؤ الي عملتيلو اياه

ياسمين:سحر !!!اانتي وحدة مريضة ومسكت الحزمة وزتيتها بوجها 

سديل:بدك اكتر احكي كم بدك احكي خلصيني 

ياسمين :انفلعي واحترمي حالك احسنلك احنا ناس ما بنبيع حالنا وكرامتنا اغلى اشي عنا رجعت ع السيارة الي مسكرة الشارع بكبرها والبنات وراي بتفرجو علي صار انا صرت اعيط واضرب بحالي شو بدهم مني كان نفسي اروح اقتل قصي وارتاح ولكم شو بدو مني شو وحدة من البنات كانت صاحبتي حكتلي والله انك مجنونة لو انا محلك لاتجوزو واورجيها ه السنكوحة الي شايفة حالها حكتلها اسكتي راح يوخد الي بدو اياه ويزتني زي الكلبة هدول الي معهم مصاري عندهم مرض حب التملك بس لازن اي اشي يعجبهم يوخدو وممنوع حد يقولهم لاء#يتبع

 تكملة الجزء الثاني #بنت الخادمة 

صاحبتي:طيب اهون من ابو بطيخ الي داير يحسس علينا ولا بعرف حرام ولا حلال 

ياسمين:اسكتي خلص روحت ع الدار لقيت امي وجها بالالوان مالك يما 

رجاء:ولا اشي يما 

رنيم:لاء في اشي اجت خالة قصي ومسحت فينا الارض ولمت الجيران علينا والزلمة صاحب الدار حكاى لامي معك اسبوع فضي الدار هاي الاشكال ما بسكنها بعمارتي

ليش شو عملنا احنا 

خالة قصي صارت تحكي انو احنا بنعمل سحر واعمال شعوذة وهيك 

هاي ما بتخاف الله وانا ورنيم بنحكي الى امي طب ساكتة يما يما يماااااااااا مشان الله ردي علي يما 😭😭😭😭😭😭راحت امي راحت جنتي راحت وما شافت يوم عرسي راحت وهي مقهورة راحت وهي مكسورة راحت وتركتني راحت الغالية وبعت العفش كلو عشان الملم حق الكفن والقبر حتى القبر بدو دفع ياناس والحل وين اروح انا واختي وين ؟؟؟؟سكرت وصرت وما ضل بوجهي باب الا الحرام يارب طلعني من الي انا في يارب انا مضطرة ما في مكان انام في انا واختي وين اروح مسكت تلفون امي وصرت اقلب بلارقام لعل وعسى الاقي مفر الا عيني اجت ع رقم قصي كيف وليش رنيت ما بعرف يمكن حب انتقام لما اسمعتو صوتو سكرت رجع رن سكرت رجع رن فتحت خط بس الكلام وقف بحلقي وصرت اسمع شو بحكي بس ياسمين وين انتي وين انا قلبت الدنيا عليكي وينك احكي مشان الله احكي حكتلو انا بكراج السيارات ورى العمارة الي كنا ساكنين فيها

وفعلا كان عندي مسافة الطريق انجن لما شافني بهاالحالة حول يمسك ايدي يفوتني بسيارة ضربت ايدو واشرتلو باصبعي اياك اياك اتفمر تلمسني سكت وما علق وركبنا كانت رنيم اكتير تعبانة لازم تغسل وانا ما ضل معي ضل طالع ع المستشفى وقعد يحكي مع الدكاترة وانا هون صرت بعالم اخر اشي جواي بحكي معي بحكيلي

:انتي يا هبلة انتي لازم توخدي حقك :من الي ظلمك 

:من قصي يعني 

:لاء ليش قصي قصي طلبك ع سنة الله ورسوله وما غلط وبدل المرة رجع ميه مرة واول ما رنيت اجى يرمح 

ولا مين 

:ام قصي خالة قصي وبنت خالتو ورجيهم بنت الخدامة شو راح تعمل 

وفعلا خلص قررت انتقم واخد حقي بايدي اجى قصي وقلي 

يلا لا تخافي امورها تمام بس تغسل راح اتسير منيحة وحط ايدو ع خصري عشان امشي معو ورفعها بسرعة من دون ما احكي اشي كانو خاف اعصب بسيارة حكتلو اسمع انتى لسى بدك اياني

قصي:اكيد لاخر عمري بدي اياكي 

ليش فهمني ليش بنات عمك وبنت خالتك احلى مني بكثير وحسب ونسب 

مش كلشي حسب ونسب وبعدين انا بشوفك احلى منهم بكثير مش بايدي ياريت اقدر اشيلك من قلبي بس احيانا في اشياء ما بنقدر انسيطر عليها خاصة القلب ما حد بقدر يتحكم في انا معك بحس اني بعالم تاني احساس ما مر علي ولا بحسو الا معك انتي

انا ما عملت اشي الك والله وصرت اعيط 

لا لا تبكي ادموعك نار بتحرق قلبي حرق انا نفسي اعيشك عيشة ما حد عاشها والله راح اعوضك عن كلشي 

كيف .....راح اتعوضني امي؟؟؟؟؟؟ 

ولا اشي بلعالم بعوض عن الام بس انا راح اكون سند وضهر الك 

بكرة بس توخد الي بدك اياه ترميني 

الله يسامحك لو بتحبيني ربع الحب الي بحبك اياه ما حكيتي هيك 

طبعا انا لو بدو يطلقني راح اتجوزو واورجيها لست سديل يا انا يا هي واخليها اتموت زي ما حرمتني امي هي وامها 

اخدني ع شقة بتجننن وحكالي بس لصبح نامي هون 

وانت؟؟؟؟؟؟ 

لا راح اقعد بسيارة تحت مش جاي عبالي انام 

فعلا نميت ليلة ولا بلاحلام شو التخت ولا الحمام جد زي الحلم بديش اصحى منو تاني يوم وداني ع المحكمة وع الباب حكالي بدك نتجوز ولا لاء انا ما بدي اشي غصب عنك حكتلو اه بدي مش عارف من وين جبت هالقوة يالله الانتقام بخلي الواحد جبل كتبنا لكتاب ورحنا عند رنيماطمنا عليها نزل اشترى الها ورد بيجنن وجابلي كمان ورد احمر قلي اتفضلي ياقلبي كلامو كان اكثير حلو بس انا ما كنت حاسة باشي ولا اشي اخدني ع السوق وما خلا اشي الا وشرالي منو وانا مش مبسوطة ومش زعلانة مش عارف شو مالي اخدني ع الشقة وحكالي راح اجددلك اياه بس نطمن ع رنيم طبعا هو بحكي وانا بهز راسي

قصي:جهزي حالك نازل ع الشركة وراجع عشان انروح عند اهلي 

اهلو هاد الي بدي اياه وصرت افتش بلاكياس وافتح علب الذهب عشان البس احلى اشي واروح عندهم اغيظهم وانتقم منهم اجى قصي اول ما فات انصدم حكتلو مالك

قرب علي بكل بساطة وبلش يشلحني بدهبات وحكالي حبي هيك اكثير الذهب مش هو الي بحلي انتي الي بتحلي ومسك الفاين لمعطر وبلش يمسح بوجهي طبعا كنت عملي حالي عجبة مت الاخر هجين وقع بسلة تين وكمل قصي انتي احلى من دون مكياج الفستان طالع بيجنن عليكي بس هاد بنلبس بدون جرابين حبيبتي وزبطني لدرجة لما اطلعت بحالي ما اعرفت حالي ورحنا كاين مخبر اهلو اني راح اجي انا وعروستي لقيناهم بستنونا في الصالة وحسيت حالي ملكة جد كل العيون علي وسديل مش موجودة صابها انهيار عصبي وامها قاعدة قال يعني عادي وامو مش عاجبها العجب بس عمي ابو قصي كان مبسوط وهيك ضليتني علة ع قلبهم وعشت احسن عيشة وصارت بنت الخدامة ملكة وطز فيهم بس ياريت ياريت ضلت امي عايشة ياريت😢😢 الجزء الثالث# بنت الخادمة

اخ صبايا شو احكيلكم شو انو طعم الانتقام حلو حلو اكثير خاصة بعد الظلم فقعت مني ام قصي طقت وهي تطلع في من فوق لتحت مش عاجبها كان الها خاطر تقتلني قرب علي ابو قصي وباس راسي زحكالي نورتي بيتك يا احلى كنة بلعالم ولكم انا كان راح يغمى علي من منظر حماتي انشلت انقهرت كان الها خاطر تفجر حالها لا ولى لما حكالها تعي ام قصي لبسي كنتك هديتها كان جايبلي عقد المااااااااس الماس اتوقعت تحكيلو حلي عني لأطخك وأطخها بس الي صار قربت وبكل هدوء وعيونها بتقدح شرار قالتلي لفي حبيبتي لفيت اكيد اكيد كانت تتمنى اتلف حبل اامشنقة ع رقبتي بدل السنسال ههههه بس ما علقت ابدا وقالتلي مبروك طبعا بدون نفس المهم رجعي عمي ابو قصي حكالي معلش يابنتي احنا ما عملنالك عرس عشان امك بس اول ما نفسيتك ترتاح وتطمني ع اختك راح اعملك احلى حفلة حكتلو شكرا عمو اصلا انا ما لدي حفلة

لا يابنتي وغلاوتك عند قصي ههههههه الا احلى حفلة اعملك 

اخجلت لما حكى غلاوتك عند قصي وكان يطلع بابنو لما حكى ابتسم قصي وقرب علي وقلي اتفضلي اطلعنا ع الطابق الثاني واحلى غرفة بطابق كانت الي غرفة طبعا قد اربع دور مع بعض زي الافلام بزبط كلشي فيها مورد بس مش عارف ليش انا مش مبسوطة ولا حاسة بطعم اشي

قصي :حبي بدي اروح اجيب اغراضك الي بشقة ك اشي قبل انزل 

لاء ما بدي قرب علي وباسني من جبيني وراح 

قعدت اتفرج بلغرفة والا حماتي فايتةوبلشت 

حماتي :اكيد مش مرتاحة هون لانو مكانك بلمطبخ مش بغرفة اسيادك بس لضرورة احكام وكلشي راح يرجع لمكانو واخرت السحر ينقلب ع الساحر

ياسمين:بس حماتي اولاد الاكابر ما بفوتو ع غرف الناس من غير استئذان 

حماتي :ولك هاد بيتي يا مشعوذة بدكاياني استئذن منك !!!!!!والله اخر زمن استئذن من بنت الخدامة هي الي ضايل علي 

ياسمين:بنت الخدامة صارت مرت ابنك حماتي!!!! وحبيبت قلبو ونور عينو يقبر قلبي قصي الله لا يحرمني بعدين الاستئذان مش محكور ع الخدم هاي اخلاق

حماتي :شو قصدك اني بلا اخلاق والله لاورجيكي نجوم الظهر والله 

ياسمين:دق الباب ابو قصي وبس سمعتو بحكي في اشي !!!!اتحولت المرة من حية بسبع روس الى الحمل الوديع وبلشت لا حبيبي بس كنت هديها لانها خايفة ومرتبكة وعم احكيلها كلشي تمام حرام خطي ما الها حد امها وماتت

قاطعها عمي وحكالها ام قصي اختصري وتعالي 

وقبل ما تطلع ولانها اتعمدت تجرحني لما حكت امها ماتت حكتلها مرت عمي شكرا لوقفتك جنبي وانا ما راح انسالك اياها اطمني بس يجي قصي حبيبي بهدى لانو بحضنو بس بحس بلامان والله يا بنات من دون مبالغة حسيت كتلة نار طالعة من راسها وسكرت الباب وليش سرت اعيط مش عارف طيب عشو بعيط مش عارف ع حالي والا لاني صرت انسانة تانية حتى انا مصدومة من حالي انا عمري ما جاوبت الي اكبرمني ولااهنت حد بس والله الظلم مر مر وطعمو ما بروح من اول انتقام لازم جلسات هاي الصوت الي جواي هيك حكالي وبصراحة كلامو منتقي يعني شو استفدت من الاخلاق انا هيهم لليوم بحكولي ساحرة وبلشت طبعا المغامرات بين وبين حماتي وكل ما اتغيظني اردلها الصاع صاعين زي ماهي الها السان وانا الي كمان بسبها وبسب اختها وبنتها راحت اغلى الناس راحت امي وما فرحت في ولا باختي بس عشان اكون صريحة معكم كان في اشي محيرني ليش حماتي رغم كل قوتها وكسارتها ما كانت تسترجي ترفع عينها بابو قصي ابدا ابدا لا وياريت هيك بس ليش بتعمل حالها قدامو بتحبني ليش !!!!!!

وبنسبة لاختي كان الها غرفة تحت ما رضي قصي تقعد بلملحق وطبعا حماتي انتحرت من غيظها 

بس علاقتي بقصي كانت سطحية والاغرب من هيك انو ما لمسني طيب ليش شو السبب نفسي افهم شو السبب طيب يعني كيف بدي اعرف ليش شو الي مانعو عني صح انا ما بلبس الو وما بهتم بهديك الشغلة بس والله في اشي غريب بلموضوع صح والله ياجماعة في اشي غريب

تكملة -الجزء الثالث والاخير-من قصة#بنت- الخادمة 

كنت كل يوم عن يوم اتأكد انو في اشي غلط وخاصة لماحماتي لمحت انها بتعرف انو قصي ما لمسني استغربت شو عرفها نفسي افهم لانو قصي كان قدامهم يدللني دلال ما يعلم في الا ربنا والله استحي اكثير يطعمني ويشربني قدامهم بس لما انفوت ع غرقتنا الزلمة ينقلب حالو ما يأذيني بس ما يقرب علي وضلينا هيك حوالي اربع شهور ما الي شغلة ولا عملة الا اغيظها واكيدها وطبعا هي محارب قوي كانت تستغل وجودها معي لحالي لتسمع حكي لتزهق وقدامها زي البسة في يوم جابت اختها وبنتها وبلشو ثلاث ع واحد كل وحدة من تم وياريت حكي عدل بتلاوقو بلحكي قال يعني هاي كلس مش فاهمين انو الردح فش في هاي ولا باي..... المهم كانت رنيم طالعة من غرفتها بدها تشرب فاتت ع المطبخ انا فوق كنت انزلت والا ام قصي بتحكي لرنيم امسحي منيح امسحي والا مخلينها تمسح كنادرهم انا شفت طق عقلي شديتها وحضنتها وصرت ابكي واصرخ اختي ما الكم فيها الي بدك اياه اعملي في انا انا ما الي غيرها ومن غير وعي دفشت خالة قصي وقعت اجى وجها بطينة تبعت الورد صرت مش عارف اضحك والا الطم وسحبت اختي وع غرفتي طبها اول ما اجى قصي وعمي بلشو كيف بترضى اني انهان في بيتك كيف والله ما بدخلكم بيت الا لما توخد حقي منها لازم اغمس راسها بطين زي ما عملت في طبعا داني ع باب الغرفة بتسمع وقلبي برجف رجف والكذابة بتحكيلو كانت بدها تضرب امك وانا فزعتلها دفشتني ع الطين صرت اقلب ادي ببعض قصي طله ع الدرج وانا قعدت جنب رنيم فات شاف رنيم حكالها معلش بس بدي احكي مع ياسمين طلعت رنيم

قصي شو الي صار احكي 

والله يا قصي الي صار غصب عني لما شفتهم شو سو بأختي فقد.اعصابي وانا دفشت خالك وما قربت ع امك ابدا والله 

قصي ياسمين اسمعي انا بعرف كل الي بصير حوالي بس هاي امي شو ما عملت امي وانا مستعد اعوضك عن اي اشي بتسببلك اياه بس لا تيجي فيها ماشي

نادى ابو قصي علينا انزلنا حكالي اعتذري من خالتك وطبعا الطاوس نفش ريشو وبلشت 

لاء اعتذار ما بكفي بدي اغمس وجها بطين 

وطبعا سديل عينها بدهم يطلعو وقلبها راح ينفجر من كثر الفرحة بدها اتشوف ياسمين بطين لابقة والله ههههه المهم حكتلها خالتو الطين هاد مفيد للبشرة هشان فيو زبل حيوانات اساليني انا نفس الي بلحمام التركي

اطلع في قصي وقلي اعتذري 

اعتذرت تحت الغصب طبعا ولما اطلعنا ع غرفتنا قصي انا اسف غصبتك تعتذري بعرف خالتي وعميلها بس مجبور ما بقدر ازعل امي

لا عادي مشان خاطرك كلشي بهون 

وكمان بنسبة للي بينا 

اللي بينا شو قصدك 

حقكك الشرعي سامحيني والله مش بايدي انا ما بعرف مالي 

استحيت قصدو انو .... ........ يمكن..... طيب وبعدين لا تحمل هم عادي 

انا رحت ع اكثرمن دكتور قلي ما فيك اشي بس ليش بصير معي مس عارف بشغلي بكون ما مصدق اوصل الدار وبس اوصل .......مش عارف ليش

قربت منو وحكتلو لا تزعل كلشي بتصلح انا اصلا مش فاهم اشي ومبسوطة هيك هههههه بس هو اكثير محترم معي وطبعا تاني يوم قررت ارد لحماتي الصاع صاعين نزلت كان ابو قصي بعمل بحساباتو قربت عندو وعملت حالي دخت قام يركض وقني وصار يحكيلها رني ع الدكتور حكتلو فش داعي عمي هاي شغلة عادية عند ........ قال يعني خجلانة

ابو قصي :جد والله الحمد لله والله احلى حلوان الك يا احلى كنة بلعالم 

كانت الضربة القاضية بنسبة لحماتي فقعت وراحت ع المطبخ بعد بشوي حكيت خلينا اطققها بزيادة راح احكيلها ليش حماتي ما باركتيلي مش فرحانة بحفيدك وبس يومين بعمل معها مشكلة وبحكي دفشتني ونزلت بسببها

طلعت رنيم بوجهي وحكتلي مزبوط الي سمعتو انك حامل حكتلها لاء بس بدي اغيظها وكيف راح اتسوي لما يكشفوكي حكتلها خطتي حكتلي اسمعي يختي بجوز تزعلي مني بس كل وحدة فينا جواها وحش بتغذى بلحقد وروحو الانتقام واذا سيطر عليكي بتسير مجرد آله بتنفذ طلباتو انتي ماشي بطريق غلط انسحبي يختي احسنلك

والي سو فينا عادي ذلونا وكذبو علينا وقتلو امي وذلونا ليش لازم نسكت ليش يعني 

في رب هو بس بعاقب عبادو وبصير مينا احنا مش مخولين نعاقب حد يختي ربك بوخذ حقي وحقك 

لاء انا مش اضعيفة والله اذا استسلمت راح يورجوني الويل والله 

بلعكس ع راي امي قصيرة السان عزوة من غير رجال والا نسيتي كلام امي 

بكيت وضميتها وضليتني اعيط وطلعت ع الحديقة حابب اشم اشوية هوى والا حماتي بتحكي مع اختها 

مش حكالك انو مستحيل يقرب عليها كيف حملت كيف فهميني كيف كذابة 

شو كيف عرفت انو ما قرب علي كملت مع اختها 

طيب روحي وتاكدي اذا اقدرت باجي معك بكرة 

وفعلا اصحيت من النوم لقيتها لابسة وبتحكي لعمي سديل تعبانة راح اطل عليها..... وانا!!! كييف الحقها !!!!اطلعت وصرت اضرب كف بكف شو اعمل شو ارجعت ع غرفتي صحيت قصي وحكتلو امك بتعرف اشي عن الي بصير بينا

طبعا لاء!!!!هاد اشي يخصنا ليش احكي اوعك اتكوني؟؟؟ 

لاء طبعا!!! بس شو عرفها انك ما لمستني 

امي كيف عرفتي شرحتلو الموضوع 

روحت امو ع البيت وفي عينها ثقة ما شفتها ع انسان وطليت من الكل نجتمع تحت 

الست الي عاملة حالها شريفة وبنت شرفة طلعت وحدة ناقصة وسافلة اصلا هاي اخرت الي بوخد بنات الخدامات والا بكف من ابو قصي برن رن ع وجها قصي غمض عيونو كانو هو الي اكل الكف حكتلو بتضربني عشان وحدة حقيرة وواطية قلها بحكيلك اخرسي والا اكسر راسك كيف تتجرئي واتحطي بعرض الناس كيف ،؟؟؟؟لانها وسخة وبدها اتلزق فينا ابن حرام هجم عليها بدو يضربها مسكو قصي حكتلو طيب اسالها من وين حامل اذا ابنك لليوم ما لمسها

انصدمت من ردت فعل عمي بس بعدين افهمت انو قصي حاكي لابو عن موضوعو وانو هو واياه راحو ع الدكتور سوا طيب المهم حكالها عمي مين حكالك هاد الكلام وانو ما لمسها سكتت وانصدمت من السؤال ردت اسالو لمستها قصي احكي لمستها

قصي:اه طبعا ليش يعني ما المسها 

حماتي: كذاب ما لمستها 

ابو قصي:بالله يعني انتي ادرى منهم شو سو وشو ما سو 

حماتي :اه الشيخ حكى لايمكن يسير بينهم اشي 

هون وقع الجمل وقعت بشر اعمالها وطلعت هي الساحرة مش انا وطلقها عمي ورحنا ع شيخ فك السحر عن جوزي وزي ما حكت بزبط

.......اخرت السحر ينقلب ع الساحر ولو بعد حين ...... 

هون فعلا انشفى غليلي منها فعلا ربنا عزيز ذو انتقام ربنا كشفها من غير ما اتعب وارمح وراها ع اهون سبب كذبتي كشفتها يارب ما اكرمك فعلا ربنا رب قلوب عالم اني من جواي طيبة بس الناس ما بتخلي حد بحالو

والحمد لله الله عوضني خير اجتني امي بلحلم وقالتلي يما سامحي يوم انتي قادرة اتعاقبي عشان لما يجي يوم تتعاقبي ربنا يسامحك

رحت لحماي وطلبت منو يرجع حماتي ورجعت طبعا كانت كلمتي هي الاولى والاخيرة بلبيت وخاصة لما حكالها عمي لولا هاي البنت ما رجعتي ابدا

نصيحة#لا تجعل للانتقام مكان في قلبك لانه اذا استولى عليك قتلك 

مدونة صياد المستقبل